Vårpasta og vårsalat

Pastaretter er noko av det enklaste å laga, spesielt i helga... her har eg laga ein pasta som passe til våren – og ein salat som passe attåt!

Vårpasta Oppskrift av © Marion Fløysvik Denne oppskrifta er berekna på fire, eller tre veldig svoltne, personar. Eg brukte fullkornspaghetti, men du kan òg bruka eggenudlar, fettucine eller vanleg spaghetti. Når det gjeld urtene, brukte eg basilikum, rosmarin og estragon, for det er desse eg veks sjølv. Men du må gjerna bruka andre ferske urter. *Ingrediensar* 400 g. kokt spagetti 300 ml. geitemjølk 450 g. spinat, rensa 200 g. brokkoli, rensa og skore i betar 4 ms. kapers 225 g. cherrytomatar, delt i to og bakte* 80 g. Manchegoost, raspa 2 ms. smør 2 ms. olivenolje Ferske urter, hakka Havsalt og pepar *Legg tomatdelane på eit steikebrett med bakepapir. Hell på olivenolje og strø med havsalt og pepar. Steik i omnen i 15-20 minutt ved 220°C. Smelt smøret med olja i ei sautépanne over middelsvarme. Ha i brokkolien og steik i 5-10 minutt. Smak til med havsalt. Ha i spinaten og steik i omlag eitt minutt. Ha i kapersen og cherrytomatane. Ta omlag 1/3 av grønsakene or panna. Ha i spagettien, og skru ned varmen til låg. Ha i geitemjølka, dekk til panna og kok i 1-2 minutt. Smak til med salt og pepar, og fordel på fire tallerknar. Ha så på resten av grønsakene og urtene. Strø på litt ost, og server. ~~~ Vårsalat Oppskrift av © Marion Fløysvik *Ingrediensar* 500 g. spinat, rensa 150 g. granateplefrø 100 g. fetaost, i betar 150 g. steikte valnøtter 3 ms. valnøttolje 1 ms. balsamicoeddik Havsalt og pepar Bland spinaten, granateplefrøa, fetaosten og valnøttene saman i ein bolle. Bland vanlnøttolja, balsamicoedikken, havsaltet og peparen saman i ein liten bolle. Hell blandinga over grønsakene, og bland saman.