25. juni 2013

Backpacking




Eg burde kanskje ha nemnd dette før eg stakk (takk forresten for alle ''kor er du?'' mailane!), men nett no er eg på langtur :) Eg hadde ei fantastisk veke i USA (New Orleans for å vera nøyaktig, og ein dag i New York), og er no på veg til Québec City frå Montréal, Canada. Etter dette drar eg til Cuba, Colombia, Argentina og London, så eg kjem ikkje tilbake her til Ferdakost før seint i august/tidleg september. 

Du kan lesa om turen min, og fylgja meg langs ruta på reisebloggen min Floggeidå, om du vil. Sjølvsagt er du velkomen til å stilla meg eventuelle spørsmål du har - skriv ein kommentar, eller send meg ein email.

Forresten så kan de få sjå ein liten video av meg frå programmet SMAK (TV8) her. Eg kjem inn etter omlag 13 minutt. 

Ha ein strålande sommar! 

Marion

6. juni 2013

Grapefruktsalat


Grapefruktsalat. HURRA! Eg elskar grapefrukt.

Ikkje nok med at det er mi favorittfrukt, men ho er noko av det eg likar best å eta. Eigentleg er eg ikkje noko fruktmenneske. Eg elskar bær, og deira balanserte blanding av surt og søtt – men tropiske frukt er berre altfor søtt. Men grapefrukt er berre bitter, ser du, og bittert er godt. Alle gode ting i livet er bittert – kaffi, mørk sjokolade, ruccolasalat... Eg berre nemner det. Men kombinasjonen av ruccolasalat og grapefrukt er veldig, veldig bittert, så for å gjera salaten etande, helte eg i ein saus av honning, urter og klementinjus. Fantastisk godt.

31. mai 2013

Sjokolademilkshake

Eg skal byrja i dag med å fortelja deg om regelen. Regelen er den einaste regelen foreldra mine nokon sinne har hatt, og sjølv om regelen til tider fleksibelt har vorte forandra etter situasjon og humør, har han alltid gått i denne duren: ''Inga matlaging eller baking før me har ete opp alle restane i frysaren frå tidlegare matutforsking.'' Det er ein knallhard regel, men han er likevel i grunnen ganske praktisk. Matematisk er han veldig enkel å forstå. Når forholdet mellom matlaging og forbruk er på eit skeivt 11:4 (Trur eg altså. Eg har sjølvsagt ikkje eigentleg gjort matten), står du igjen med store mengder av frosne restar. Ingenting gale med det i teorien, men kva skjer då når forholdet mellom frosne restar og forbruk er ubalansert?

Det er difor me har regelen.

28. mai 2013

Bringebær- og basilikumsfinanciers

Eg beklagar på førehand for mangelen på bilete (av finansierane, vel å merka), men eg har altså ein unnskyldning. Det har eg alltid.

Vêret her har rett og slett vore altfor herleg i det siste for noko særleg med matlaging. Eller, det vil seia, eg har laga mat, men eg har ikkje fotografert maten. Litt, men litt for lite. Regnet kjem visst snart tilbake, og med det kjem eg nok på rett spor igjen. I mellomtida er eg lukkeleg utandørs.

15. mai 2013

Lakseburger med geitost og tomatrelish



Google Statistics fortel meg at berre 20% av bloggtreffa på Ferdakost kjem frå Noreg, så eg tenkte eg skulle skriva ein liten etnohistorisk tekst til våre utanlandske venar, så dei kunne få vita kvifor Noreg i det heile tatt eksisterer. Og så er det jo eigentleg ei ganske koseleg forteljing, så de har ikkje vondt av å høyra han de heller.

Photobucket Photobucket